T20 नवी दिल्ली (#new-delhi) : भारताच्या महिला संघाने आज वेस्ट इंडिजसारख्या (west indies cricket team) बलाढ्य समजल्या जाणाऱ्या संघावर दणदणीत विजय साकारला. भारताने वेस्ट इंडिजच्या धावसंख्येला वेसण घातले आणि त्यांना # ९४ धावांमध्येच रोखले. या आव्हानाचा भारताच्या संघाने लीलया पाठलाग केला. त्यामुळे भारताला आठ विकेट्स राखत हा सामना जिंकता आला.
वेस्ट इंडिजच्या #९५ धावांच्या आव्हानाचा पाठला करताना भारताला दुसऱ्याच षटकात पहिला धक्का बसला. भारताची सलामीवीर स्मृती मानधना यावेळी फक्त पाच धावांवर बाद झाली. त्यानंतर हरलीन देओलच्या रुपात भारताला दुसरा धक्का बसला. हरलीनला यावेळी १३ धावांवर समाधान मानावे लागले. त्यावेळी भारताची २ बाद ४१ अशी स्थिती झाली होती. पण त्यानंतर भारताची युवा सलामीवीर जेमिमा रॉड्रिगेझने वेस्ट इंडिजच्या गोलंदाजीवर जोरदार प्रहार केला.
बिनधास्तपणे आक्रमक फलंदाजी
जेमिमाने यावेळी कसलीही तमा न बाळगता जेमिनाने यावेळी पाच चौकारांच्या जोरावर नाबाद ४२ धावांची धडाकेबाज खेळी साकारली. जेमिमाला यावेळी कर्णधार हरमनप्रीत कौरने चांगली साथ दिली. हरमनप्रीतने यावेळी २३ चेंडूंत चार चौकारांच्या जोरावर नाबाद ३२ धावांची खेळी साकारली. जेमिमा आणि हरमनप्रीत यांनी तिसऱ्या विकेटसाठी ५४ धावांची अभेद्य भागीदारी रचली, त्यामुळेच भारताला यावेळी सहजपणे विजय साकारता आला. जेमिमा आणि हरमनप्रीत यांची यावेळी चांगलीच जोडी जमली होती. ही जोडी भारतासाठी निर्णयाक ठरली आणि संघाला विजय मिळवून गेली.
भारताने नाणेफेक जिंकली
भारताने नाणेफेक जिंकली आणि प्रथम गोलंदाजी करण्याचा निर्णय घेतला. भारताच्या दीप्ती शर्माच्या अचूक आणि भेदक गोलंदाजीने यावेळी वेस्ट इंडिजचे कंबरडे चांगलेच मोडले. कारण दीप्तीने यावेळी चार षटकांमध्ये फक्त ११ धावा देत तीन विकेट्स घेतल्या आणि वेस्ट इंडिजच्या संघाला पिछाडीवर ढकलले. या धक्क्यातून वेस्ट इंडिजचा संघ हा सावरू शकला नाही. पुजा वस्त्रकारनेही यावेळी दोन बळी मिळवत दीप्तील सुयोग्य साथ दिली. त्यामुळेच वेस्ट इंडिजला यावेळी १०० धावांची वेसही ओलांडता आली नाही.
