महापौर प्रतिभाताईंचा तेली महासंघातर्फे सत्कार
#Dhule धुळेः शहराच्या महापौरपदी निवड झाल्याबद्दल प्रतिभा शिवाजीराव चौधरी (pratibha chaudhari, mahapaur dhule) यांचा गुरुवारी तेली महासंघातर्फे सत्कार करण्यात आला.
भारतीय जनता पार्टीचे (bjp) नंदुरबार जिल्हाध्यक्ष विजय चौधरी 26 फेबुवारीला धुळे जिल्हयाच्या दौर्‍यावर येत आहेत. बैठकीचे नियोजन करण्यासाठी महापौर प्रतिभा शिवाजीराव चौधरी व महाराष्ट्र प्रदेश तेली महासंघाने बैठकीचे आयोजन केले होते.
प्रदेश महासंघाचे सचिव जयवंत चौधरी यांनी संघाची माहिती दिली. चर्चा करून विविध निर्णय घेण्यात आले. धुळे महानगरपालिकेच्या महापौरपदी निवड झाल्याबद्दल प्रतिभा चौधरी यांचा प्रदेश तेली महासंघाच्या वतीने सत्कार करण्यात आला. नगरसेवक नरेश चौधरी यांना निसर्ग समितीच्या वतीने छत्रपती शिवाजी महाराज पुरस्कार देवून गौरविण्यात आल्याबद्दल त्यांचाही सत्कार प्रदेश महासंघाच्या वतीने करण्यात आला. गुणवंत विद्यार्थिनी वर्षा विजय चौधरी (varsha chaudhari) हिने बी.ए. व एम.ए. या दोन्ही पदवीमध्ये उत्तर महाराष्ट्र विद्यापीठात हिंदी विषयात सुवर्णपदक मिळविल्याबद्दल तिचा सत्कार करण्यात आला. महापौरांसह माजी महापौर जयश्री अहिरराव, नगरसेवक नरेश चौधरी, उद्योगपती दिलीप शंकर चौधरी, शिवाजीराव चौधरी यांनी तिचे कौतुक केले.
यावेळी प्रदेश तेली महासघाचे पदाधिकारी व महिला पदाधिकारी जयवंत चौधरी, सचिव कैलास बोरसे, किशोर चौधरी, अतुल वाघ, गोविंद चौधरी, गणेश पवार, पी. टी. शिंदे, रूपाली महाले, कविता अहिरराव, प्रियंका चौधरी, आरती महाले, भारती चौधरी, अलका चौधरी, मुक्ता चौधरी, विजया चौधरी आदी उपस्थित होते.
