Elect both Shiv Sena MLAs in Dhule City and Dhule Rural, Anantagite’s Appeal in Shiv Garjana Campaign धुळे शहर आणि धुळे ग्रामीणमध्ये दोन्ही शिवसेनेचे आमदार निवडून आणा, शिवगर्जना अभियानात अनंतगिते यांचे आवाहन
#Dhule धुळेः शहर आणि ग्रामीण या दोन्ही मतदार संघांमध्ये शिवसेनेचा उमेदवार निवडून आणा, असे आवाहन शिवसेना नेते अनंत गिते यांनी केले.
धुळे येथे सोमवारी छञपती शाहू महाराज नाट्यमंदिरात शिवगर्जना अभियान मेळाव्यात ते बोलत होते. यावेळी शिवसेना नेते विजय औटी, उपनेत्या तथा प्रवक्ता संजना घाडी, युवासेना सचिव वरुण सरदेसाई यांच्यासह शहर आणि जिल्ह्यातील पदाधिकारी, कार्यकर्ते उपस्थित होते. मेळाव्यापूर्वी झालेल्या पञकार परिषदेत त्यांनी मुख्यमंत्र्यांसह शिवसेनेतून गेलेल्या ४० आमदारांवर जोरदार टिका केली. वारसा हक्काने आलेलं यांच्यापैकी एकही नाही. राजकीय वारसा कुणालाही नव्हता. ज्या शिवसेनेमुळे सर्वांचा जन्म झाला ती शिवसेना आमची राजकीय माता आहे आणि त्याच मातेच्या पाठीमध्ये खंजीर खुपसला आहे. म्हणून सामान्य जनता संतप्त आहे. वाट पाहत आहे की हे कधी प्रचाराला येतील याची. शिंदे गटाच्या आमदारांनी केलेल्या राजकारणाला अनंत गीते यांनी नीच राजकारण असा उल्लेख करत हा नीच शब्दाचा देखील अपमान असल्याची टीका यावेळी केली.
युवा सेनेच्या वतीने सचिव वरून सरदेसाई यांनी बाईक रॅली काढून रोडशो केला.
