10 new buses for Pune, Nashik bypass from Dhule Agar
धुळे आगारातून पूणे, नाशिक बायपाससाठी १० नवीन बसेस
Dhule News धुळे : एसटी महामंडळाच्या धुळे विभागाच्या ताफ्यात प्रवासी वाहतुकीसाठी १० नवीन बसेस दाखल झाल्या आहेत. अधिकाऱ्यांच्या उपस्थितीत नवीन बसेसचे पूजन करण्यात आले.
विभाग नियंत्रक विजय गिते, विभागीय वाहतूक अधिकारी सौरभ देवरे यांनी स्वतः आगाराच्या आवारात बस चालविली. सदर बसेस ह्या नाशिक बायपास व पुणे मार्गावर धावतील.
यावेळी विभाग नियंत्रक विजय गीते, यंत्र अभियंता पंकज महाजन, विभागीय वाहतूक अधिकारी सौरभ देवरे, विभागीय वाहतूक अधीक्षक वासुदेव देवराज, विभागीय कर्मचारी वर्ग अधिकारी नरेंद्र चित्ते, विभागीय भांडार अधिकारी चंद्रकांत पोतदार, विभागीय सांख्यिकी अधिकारी सूरज माळी, आगार व्यवस्थापक धुळे आगार पंकज देवरे यांच्यासह चालक वाहक व यांत्रिक कर्मचारी उपस्थित होते.
