Sandeep Choudhary distributed the water facility for cows and free animals
गाय अन् मोकाट जनावरांसाठी पाण्याची सोय, संदीप चौधरी यांनी वाटप केले हौद
Dhule News धुळे : शहरात मोकाट फिरणाऱ्या गायी आणि इतर मुक्या जनावरांना पिण्याच्या पाण्याची सोय व्हावी या उद्देशाने शिवसेनेचे पदाधिकारी संदीप चौधरी यांनी १२५ हौद वाटप करण्याचा संकल्प केला आहे. त्यापैकी ४० हौद मान्यवरांच्या हस्ते वाटप करण्यात आले.
शहरातील प्रभाग क्रमांक ११ मार्केट यार्ड चंद्रशेखर आझादनगर येथे शनिवारी हा कार्यक्रम पार पडला. हौद वाटप कार्यक्रमाला महापौर प्रतिभा शिवाजीराव चौधरी यांनीही हजेरी लावली. शहरातील पेठ गल्ली नं. ४, ५, ६, ७ या भागासाठी गाय हौदा वाटप करण्यात आले. नागरिकांनी या कार्यक्रमाला मोठ्या संख्येने उपस्थित राहून गौ हौद आपल्या परिसरात घेऊन गेले.
या कार्यक्रमाला प्रमुख पाहुणे म्हणून शिवसेना जिल्हाप्रमुख अतुल सोनवणे, महेश मिस्त्री, माजी आमदार शरद पाटील, धीरज पाटील, पंकज गोरे आदी पदधिकारी उपस्थित होते. या कार्यक्रमाचे आयोजन संदीप भाऊ चौधरी यांनी केले होते.
