‘Honoring Master’s Disciples’ Grand felicitation of Bapu Thakur, Chandrasekhar Patil
‘सन्मान गुरुशिष्यांचा’
Dhule News धुळे : धुळे जिल्हा मराठी पत्रकार संघ आणि अखिल भारतीय मराठी नाट्य परिषद धुळे शाखा यांच्या संयुक्त विद्यमाने आयोजित करण्यात आलेला ‘सन्मान गुरुशिष्यांचा’ हा कार्यक्रम गुरुवार दि. ११ मे रोजी शहरातील पत्रकार संघाच्या पत्रकार भवनात पार पडला.
या कार्यक्रमात मान्यवरांच्या उपस्थितीत जेष्ठ पत्रकार बापू ठाकूर आणि जेष्ठ रंगकर्मी, पत्रकार चंद्रशेखर पाटील यांचा भव्य सत्कार करण्यात आला. यावेळी राजकीय, सामाजिक, शैक्षणिक, सांस्कृतिक अशा विविध क्षेत्रातील मान्यवरांनी हजेरी लावून दोन्ही सत्कारमूर्तींचा शाल, बुके, भेटवस्तू देवून सत्कार केला. कार्यक्रमाच्या अध्यक्षस्थानी सुप्रसिद्ध नाटककार प्रा. अनिल सोनार होते.
कार्यक्रमाला प्रमुख अतिथी म्हणून माजी आ. प्रा. शरद पाटील, युवा उद्योजक सारांश भावसार, पत्रकार संघाच्या कोअर कमिटीचे सदस्य तथा माजी अध्यक्ष रवींद्र इंगळे, मिलिंद बैसाणे, नुरखान पठाण, सुनील पाटील, विद्यमान उपाध्यक्ष मनोज गर्दे इत्यादी मान्यवर उपस्थित होते. कार्यक्रमाचे प्रास्ताविक सुनील पाटील यांनी केले.
उपस्थित मान्यवर व अध्यक्षांनी सत्कारमूर्तींच्या कार्याचा आपल्या भाषणांमधून यथोचित गौरव केला. कार्यक्रमाचे सूत्रसंचालन पत्रकार संघाचे सचिव सचिन बागुल यांनी केले. पत्रकार संघाच्या इमारतीबाहेर फटाक्यांची आकर्षक आतषबाजी करून कार्यक्रमाचा समारोप करण्यात आला.
