Remove BJP from CPI, save the country!
भाकपची भाजप हटाव, देश बचाव मोहिम!
Dhule धुळे : भारतीय कम्युनिस्ट पक्षाच्या भाजप हटाव-देश बचाव, भाजप हटाव-महाराष्ट्र बचाव मोहिमेचा कापडणे ( धुळे ) येथे समारोप करण्यात आला.
भारतीय कम्युनिस्ट पक्षाच्या राज्य कौन्सिल परिषदेने घेतलेल्या निर्णयानुसार देशातील व राज्यातील बेरोजगारी, वाढती महागाई, शेतीमालाला हमी भाव, पेट्रोल, डीझेल, घरगुती वापराच्या गॅसच्या भरमसाठ वाढलेल्या किंमती,अवकाळी पावसामुळे शेतकरी व शेतीचे झालेले नुकसान, श्रमिक, कामगार वर्गाचे होत असलेले शोषण, सरकारी उद्योगाचे खाजगीकरण, व इतर प्रश्नांना वाचा फोडण्यासाठी १४ एप्रिल ते १५ मे पावेतो जनजागरण मोहीम राज्यभर राबवण्यात आली.
मोहीमेचा समारोप कापडणे ( धुळे ) येथे काॅम्रेड, अॅड. मदन परदेशी यांचे अध्यक्षते खाली संपन्न झालेल्या सभेत करण्यात आला. काॅम्रेड हिरालाल परदेशी, काॅम्रेड पोपटराव चौधरी, काॅम्रेड वसंतराव पाटील, काॅम्रेड साहेबराव पाटील, काॅम्रेड संतोष पाटील यांनी केंद्र सरकार व राज्य सरकारच्या कामगार विरोधी, शेतकरी विरोधी, वाढती महागाई, सरकारी उद्योगांचे खाजगीकरण, त्यामुळे देशातील लाखो कामगार देशोधडीला लागले आदी विषयांवर विचार मांडले. जनजागरण मोहीमेला काॅम्रेड शिवाजी पाटील, काॅम्रेड जितेंद्र देवरे, काॅम्रेड, सुभाष पाटील ,राजधर माळी, सुभाष पाटील, रविंद्र पाटील व शेतकरी, कामगार, शेतमजूर मोठ्या संख्येने उपस्थित होते.
