Conservator of Forests Digambar Pagar felicitated on his retirement
वनसंरक्षक दिगंबर पगार यांचा सेवानिवृत्ती निमित्त सत्कार
Dhule धुळे : येथील धुळे वनवृत्ताचे वनसंरक्षक दिगंबर पगार यांचा बुधवारी सायंकाळी सेवानिवृत्ती निमित्त सत्कार करण्यात आला.
जळगाव वन विभागाचे उप वनसंरक्षक विकेश होशिंग यांनी दिगंबर पगार यांनी केलेल्या वन सेवेची माहिती दिली.
धुळे वनवृत्तामध्ये अतिक्रमणाचा प्रश्न गंभीर असून, जास्तीत जास्त काम करून धुळे वनवृत्ताचा नावलौकिक वाढवावा, असे मार्गदर्शन पगार यांनी सत्काराला उत्तर देताना केले.
यावेळी उप वनसंरक्षक होशिंग यांच्यासह मेवासी वन विभागाचे उप वनसंरक्षक लक्ष्मण पाटील, नंदुरबार वन विभागाचे उप वनसंरक्षक कृष्णा भवर, धुळे वन विभागाचे उप वनसंरक्षक नितीनकुमार सिंग आणि धुळे, नंदुरबार, जळगाव जिल्ह्यातील सर्व वन परिक्षेत्र अधिकाऱ्यांनी दिगंबर पगार यांचा सपत्नीक सत्कार केला.
