Urfi Javed उर्फी जावेदच्या या वक्तव्यामुळे चाहत्यांमध्ये खळबळ

उर्फीचा जन्म १५ ऑक्टोबर १९९७ मध्ये उत्तर प्रदेशातील लखनऊ इथं झाला. उर्फी २४ वर्षांची आहे.

आपल्या ग्लॅमरस, तर अनेकदा बोल्ड लुकमुळे सोशल मीडियावर कायम चर्चेत असलेली अभिनेत्री म्हणून उर्फी जावेद हिचं नाव अग्रक्रमानं घेतलं जातं. सोशल मीडियावरील प्रचंड लोकप्रिय असलेल्या उर्फीचं व्यक्तिगत आयुष्य मात्र अनेक वादग्रस्त घडामोडींनी भरलेलं आहे. उर्फी जावेद सोशल मीडियावर कमालीचं वादळी आणि वादग्रस्त व्यक्तिमत्व आहे. तिच्याविषयी युझर्स जाणून घ्यायला खूप उत्सुक असल्यानं गुगलवर तिच्या कुटुंबाबबद्दल, तिच्या रिलेशनशिप स्टेटसबद्दल, तिचं लग्न झालं आहे का याबद्दल तर थेट तिच्या नवऱ्याबद्दलही जाणून घ्यायला अनेकांना आवडतं. उर्फी जावेदच्या वडिलांचं नाव Ifru जावेद असं आहे. तर आईचं नाव जाकिया सुल्ताना आहे. उर्फीचे आई-वडील अनेक वर्षंपासून विभक्त झाले आहेत. उर्फी, तिची आई आणि बहिणी वेगळे राहतात. उर्फीला दोन बहिणी असून त्यांची नावं असफी, डॉली जावेद आहेत. उर्फीचं लग्न झालेलं नाही. तसंच तिनं तिच्या रिलेशनशिप स्टेटसबद्दल कमालीची गुप्तता बाळगली आहे.

उर्फी जावेदनं अनेक कार्यक्रमांत लहान लहान भूमिका केल्या आहेत. त्यात हमसफर, जीजी माँ, मेरी दुर्गा, बेपनाह, चंद्र नंदिनी या मालिकांचा समावेश आहे. तिनं २०१५ मध्ये टेडी मेडी फॅमिली या मालिकेपासून काम करायला सुरुवात केली.

उर्फीनं मागे एका मुलाखतीमध्ये सांगितलं होतं की, ती लहान असताना तिच्या वडिलांनी तिचा खूप छळ केला होता. हा छळ मानसिकही होता आणि शारीरिकही होता. अतिशय घाणेरड्या शिव्या ते द्यायचे. त्यांच्या त्रासाला कंटाळून उर्फी आणि तिच्या दोन्ही बहिणी घर सोडून पळून गेल्या. त्यानंतर उर्फीच्या आईनंही तिच्या वडिलांना सोडलं. उर्फीच्या वडिलांनी दुसरं लग्न केलं. त्यामुळे उर्फीवर तिच्या आईची आणि दोन्ही बहिणींची जबाबदारी आली.

उर्फी जावेदनं बिग बॉस ओटीटीमध्ये स्पर्धक म्हणून सहभागी झाली होती. परंतु या कार्यक्रमात उर्फी तिचा ठसा उमटवू शकली नाही. परंतु तिच्या वागण्याबोलण्यातील नखऱ्यांमुळे अनेकांच्या मनात तिनं घर केलं. बिग बॉसच्या घरातून बाहेर पडल्यानंतर उर्फीनं तिच्या अतरंगी, बोल्ड स्टाईलनं सोशल मीडियावर धमाका उडवून दिला. तिची सातत्यानं चर्चा होऊ लागली ती आजतागायत सुरू आहे.