या मुलीची मान आहे की रबर! वळते चक्क 360 अंशात!!
बीजिंग : चीनमधील एका डान्सर मुलीची मान चक्क 360 अंशात वळत असल्याने, या मुलीची मान आहे की रबर आहे? असा प्रश्न जगभरात उपस्थित केला जात आहे.
सोशल मीडियावर एक असा व्हिडिओ व्हायरल झाला आहे की, ज्यातील डान्सर मुलीची कर्तबदारी पाहिली तर लवचिकता देखील किती पराकोटीची असू शकते यावर विश्वास बसत नाही. कारण आपली डान्स स्टेप सर्वांपेक्षा वेगळी आणि चांगली असावी असे प्रत्येकाला वाटते. पण प्रत्येकालाच ते शक्य होत नाही. काही जण असे असतात की, ज्यांचे शरीर अतिशय लवचिक असते आणि ते आपल्याला हवे त्याप्रमाणे वळवू किंवा वाकवू शकतात.
सोशल मीडियावर व्हायरल होत असलेल्या या व्हिडिओत एक मुलगी डान्स करताना आपली मान 360 अंश कोणातून फिरवते आणि क्षणभर त्यावर कसा विश्वास ठेवावा हाच प्रश्न पडतो. या व्हिडिओत सदर मुलगी काळ्या रंगाच्या ड्रेसमध्ये दिसून येते. नंतर ती डान्स स्टेप सुरू करते आणि या डान्स स्टेप दरम्यान अचानक आपली मान 180 डिग्रीपर्यंत वळवत सर्वांनाच आश्चर्याचा धक्का देते. या मुलीचा हा डान्स निव्वळ थक्क करणारा तर आहेच पण त्याहूनही जगावेगळी गोष्ट म्हणजे या युवतीचा आणखी एक व्हिडिओ असून त्यात ती ब्लॅक ॲण्ड व्हाईट ड्रेसमध्ये आपले अनोखे कौशल्य दाखवताना दिसून येत आहे. आता ही मुलगी कोण आहे? याचा काहीही पत्ता लागू शकलेला नाही. पण आपल्या या अनोख्या कौशल्याने तिने नेटिझन्सची मने जिंकण्यात कसर सोडलेली नाही.
डान्सच्या या व्हिडिओला भरभरून प्रतिसाद मिळत असून, त्यावर अनेकांनी असंख्य कमेंट्स केले आहेत. एका युजरने तर असे म्हटले आहे की, या मुलीला एखाद्या हॉरर चित्रपटात काम देणे अधिक योग्य ठरेल. आणखी एका युजरने याचे वर्णन भीतीदायक असे केले तर अनेकांनी तिचे कौतुकही केले.
