आपला एकच साहेब आहे, डॉ. बाबासाहेब आंबेडकर साहेब!
सातारा : धनगर आरक्षणाच्या मुद्यावरून भाजप आमदार गोपीचंद पडळकर यांनी राष्ट्रवादी काँग्रेसचे नेते शरद पवार यांच्यावर नाव न घेता सडकून टीका केली. धनगर समाजाला आरक्षण मिळवून देण्यासाठी राज्याच्या दौऱ्यावर निघालेले आमदार गोपीचंद पडळकर यांची सोमवारी सातारा येथे जाहीर सभा झाली. त्यावेळी ते बोलत होते.
‘साहेब, दादा, ताई हे डोक्यातून काढून टाका. आपला एकच साहेब आहे, डॉ. बाबासाहेब आंबेडकर साहेब’, असे जोरदार वक्तव्य त्यांनी जाहीर सभेत केले. विरोधात असताना धनगर समाजासाठी आरक्षणाची मागणी करायची आणि सत्तेत असताना या प्रश्नाला हेतूपूर्वक बगल द्यायची. अडीच वर्षे सत्तेत असताना काय केले? धनगर समाजाला आरक्षण का दिले नाही, असा प्रश्न उपस्थित करत धनगर समाजाला आरक्षण देण्यापासून आता कोणीही रोखू शकत नाही, असा विश्वास त्यांनी व्यक्त केला.
दरम्यान, इंदापूर येथे बोलताना देखील आम दार गोपीचंद पडळकर यांनी शरद पवारांवर सडकून टीका केली. डॉ. बाबासाहेब आंबेडकर यांचा रिपब्लिकन पार्टी ऑफ इंडिया हा पक्ष फोडला. रिपाईचे तुकडे तुकडे केले. यामध्ये पवारांचा मोठा वाटा आहे, असा गंभीर आरोपही त्यांनी यावेळी केला.
