खोरदडची निशा राज्यस्तरीय कुस्ती स्पर्धेत दुसरी
धुळे : तालुक्यातील खोरदड येथील कुस्तीपटू कु. निशा राजेंद्र पाटील हिने 33 किलो वजनगटात राज्यस्तरीय ‘शालेय कुस्ती स्पर्धेत दुसरा क्रमांक पटकविला. नाशिक विभागात प्रथम क्रमांक आल्यानंतर कु.निशा पाटील हिची राज्यस्तरीय कुस्ती स्पर्धेसाठी निवड करण्यात आली होती. सदर स्पर्धा उदगीर येथे झाल्या.
राज्यात दुसरा क्रमांक पटकविल्याबद्दल महाराष्ट्र प्रदेश काँग्रेसचे कार्याध्यक्ष आ. कुणाल पाटील आणि सौ. अश्‍विनीताई कुणाल पाटील यांच्या हस्ते कु. निशा पाटील हीचा सत्कार करण्यात आला. यावेळी बाजार समितीचे उपसभापती योगेश पाटील, जि. प. सदस्य अरुण पाटील, खोरदड येथील विकास पाटील, राजेंद्र पाटील उपस्थित होते.
