Contempt of blue flag in Chhatrapati Sambhajinagar!
छत्रपती संभाजीनगरात निळ्या झेंड्याचा अवमान!
Dhule धुळे: छत्रपती संभाजीनगर शहरात नामांतराच्या समर्थनार्थ १९ मार्च रोजी काढलेल्या मोर्चात निळ्या झेंड्याचा अवमान झाल्याचा आरोप करीत all India panther सेनेच्या कार्यकर्त्यांनी शुक्रवारी धुळ्यात जोरदार निदर्शने केली. आंबेडकरी समाजाचे प्रतीक व अस्मिता असलेला निळा ध्वज जमिनीवर फेकल्याचा व्हिडिओ सोशल मीडियावर व्हायरल झाला आहे. संबंधितांवर अनुसूचित जाती जमाती अत्याचार प्रतिबंधक कायद्यानुसार गुन्हा दाखल करण्याची मागणी केली आहे.
जिल्हाधिकाऱ्यांना दिलेल्या निवेदनावर सेनेचे जिल्हाध्यक्ष सागर मोहिते, उपाध्यक्ष निलेश इंदवे, महासचिव आनंद अमृतसागर, तालुका अध्यक्ष भाऊसाहेब बळसाणे, यश बागुल, विशाल वाघ, समाधान मंगळे, जितु भदाणे, गोपाल शिरसाठ, आकाश घोडे, अशोक करंजे, गोरख अहिरे, वैभव मंगळे, सलमान खान यांच्या सह्या आहेत.
