Inauguration of concrete roads by Ranjit Raje Bhosale at Nimkhedi
निमखेडीत रणजित राजे भोसले यांच्या हस्ते काँक्रीट रस्त्यांचे लोकार्पण
Dhule धुळे : तालुक्यातील निमखेडी येथील मागास वस्तीत रस्त्यांची दुरावस्था झाली होती. ही बाब लक्षात घेऊन राष्ट्रवादीचे जिल्हाध्यक्ष रणजित राजे भोसले यांनी समाजकल्याण विभागाच्या माध्यमातून निमखेडी गावातील रस्त्यांसाठी 10 लक्ष रुपये मंजूर करून घेतला व या रस्त्यांचे लोकार्पण मान्यवरांच्या हस्ते करण्यात आले.
निमखेडी ता. जि. धुळे येथील वार्ड क्रमांक 1 मधील रस्त्यांची दुरावस्था झाली होती. या रस्त्यांसाठी निधी उपलब्ध व्हावा, अशी मागणी तत्कालीन सरपंच उमेश मोरे व सामाजिक कार्यकर्ते रोशन खैरनार यांनी राष्ट्रवादीचे जिल्हाध्यक्ष रणजित राजे भोसले यांच्याकडे केली होती. तसेच वेळोवेळी पाठवपुरावा केला होता. या मागणीची दखल घेऊन रणजित राजे भोसले यांनी निधी उपलब्ध करून दिला. यासाठी माजी सरपंच सतिष पाटील व विद्यमान सरपंच आनंदा पाटील यांचे सहकार्य लाभले. तसेच या कामाचे लोकार्पण रणजित राजे यांच्या हस्ते करण्यात आला.
यावेळी समाजकल्याण न्याय विभागाचे जिल्हाध्यक्ष महेंद्र शिरसाठ, माजी सरपंच सतिष पाटील, माजी सरपंच राजेंद्र पाटील, ग्रामपंचायत सदस्य राजेंद्र पाटील, राष्ट्रवादी तालुका सरचिटणीस दत्तू पाटील, सामाजिक कार्यकर्ते भुरा पाटील, सोसायटी व्हाईस चेअरमन कैलास पाटील, सोसायटी सदस्य रतिभान पाटील, मगण मालचे, आनंद मोरे, जिभो काळुंके, राहुल पाटील, पिरण भिल, रावण पाटील, गोपाल पाटील, सोनू भिल आदींसह ग्रामस्थ उपस्थित होते.
