भाजपाच्या बाईक रॅलीने धुळे शहर झाले तिरंगामय
धुळे : भारताच्या स्वातंत्र्य दिनानिमित्त भारतीय जनता पार्टी धुळे महानगरच्यावतीने भव्य बाईक रॅली काढण्यात आली. हातात तिरंगा ध्वज घेवून भारत माता की जय, वंदे मातरमच्या घोषणांनी शहर दणाणून काढत या रॅलीने सर्वांचे लक्ष वेधून घेतले.
भारतीय जनता पक्षाचे नेते भाजपाचे प्रदेश महामंत्री विजय चौधरी, खा. डॉ. सुभाष भामरे, माजी आ. राजवर्धन कदमबांडे, जिल्हाध्यक्ष बबन चौधरी, भाजपा महानगर जिल्हाध्यक्ष गजेंद्र अंपळकर, महापौर प्रतिभा चौधरी यांच्या नेतृत्वाखाली निघालेल्या या भव्य रॅलीत तरुण-तरुणी, महिला-पुरुष मोठ्या संख्येने सहभागी झाले. पारोळा रोडवरून राम पॅलेस येथून रॅलीला फटाक्यांच्या आतषबाजीत सुरुवात करण्यात आली. ८० फुटी रोडने आग्रा रोड, छत्रपती शिवाजी महाराज स्मारक येथे अभिवादन करून रॅली सरळ आग्रा रोडने महात्मा गांधी पुतळा, मोठा पूल, दत्त मंदिर चौक, वाडीभोकर रोड, नकाने रोड, साक्री रोडने संतोषी माता चौक शिवतीर्थ येथून सरळ पारोळा रोडवरील शिवाजी महाराज पुतळा चौकात या रॅलीचा समारोप करण्यात आला. रॅलीत सहभागी तरुणांसह खा. डॉ. सुभाष भामरे, भाजपा नेते विजय चौधरी, माजी आ. राजवर्धन कदमबांडे, जिल्हाध्यक्ष गजेंद्र अंपळकर यांनी देखील हातात तिरंगा ध्वज घेवून मोठ्या उत्साहात घोषणा देत सर्वांचा उत्साह वाढविला.
या रॅलीत भाजपाचे विधानसभा अध्यक्ष अनुप अग्रवाल, माजी महापौर चंद्रकांत सोनार, प्रदीप कर्पे, नगरसेवक शितल नवले, हिरामण गवळी, स्थायी समिती सभापती किरण कुलेवार, महिला व बालकल्याण सभापती सारिका अग्रवाल, माजी उपमहापौर कल्याणी अंपळकर, डॉ. माधुरी बोरसे, वैशाली शिरसाठ, विजय पाच्छापूरकर, ओमप्रकाश खंडेलवाल, भगवान देवरे, भगवान गवळी, भिकन वराडे, विनोद थोरात, अरुण पवार, पंकज धात्रक, अण्णा खेमनार, अँड. नितीन पाटील, सागर आघावं, वाल्मीक जाधव, आकाश परदेशी, सुहास अंपळकर, विजय नांद्रे, अजय नांद्रे, निनाद पाटील, दीपक कोळी, रावसाहेब नांद्रे, अमोल मासुळे, बापू खलाने, दिनेश बागुल, अनिल थोरात, मनोज शिरोडे, प्रवीण अग्रवाल, राकेश कुलेवार, सुबोध पाटील, बिपिनचंद रोकडे, बबन चौधरी, राजेश पवार, कल्पेश थोरात, रमेश करणकाळ, किशोर थोरात, प्रशांत बागुल, विजय पवार, अनिल नागमोते, राजू मराठे यांच्यासह भाजपा पदाधिकारी, कार्यकर्ते उपस्थित होते.
