‘गाव चलो अभियान’ अंतर्गत समर्पित भावनेने प्रवास केल्यास निवडणुकीत यश निश्चित : भाजपा जिल्हा सरचिटणीस यशवंत येवलेकर
धुळे : महानगर भारतीय जनता पार्टीच्या वतीने रचना हॉल येथे 5 फेब्रुवारी रोजी गाव चलो अभियान कार्यशाळेचे आयोजन करण्यात आले.
धुळे लोकसभा मतदारसंघाचे खासदार डॉ. सुभाष भामरे, माजी आमदार राजवर्धन कदमबांडे, धुळे महानगर भाजपा अध्यक्ष गजेंद्र अंपळकर, धुळे विधानसभा प्रमुख अनुप अग्रवाल यांच्या मार्गदर्शनाखाली कार्यशाळेचे आयोजन करण्यात आले.
कार्यशाळेचे प्रस्ताविक करताना गाव चलो अभियानचे जिल्हा संयोजक धुळे मनपा नगरसेवक नरेश चौधरी यांनी गावागावात संपर्क करत समाजातील तळागाळातील घटकांपर्यंत केंद्र सरकारच्या विविध योजना पोहोचवण्यासाठी अथक परिश्रम करावे, असे आवाहन केले.
गाव चलो अभियान अंतर्गत समग्र माहिती देताना भाजपा जिल्हा सरचिटणीस यशवंत येवलेकर यांनी प्रवासी कार्यकर्त्यांशी सुसंवाद साधताना समाजातील सर्व स्तरातील व्यक्तीशी संपर्क साधावा समाजातील प्रभावशाली व्यक्ती तसेच विविध क्षेत्रातील मान्यवरांशीही संपर्क करावा, असे आवाहन केले.
याप्रसंगी लोकसभा निवडणूक प्रमुख राजवर्धन कदमबांडे, महिला मोर्चा प्रदेश उपाध्यक्ष जयश्री अहिरराव, माजी महापौर प्रतिभा चौधरी, माजी महापौर प्रदीप करपे, ज्येष्ठ नेते भीमसिंह राजपूत, सरचिटणीस जितेंद्र चौवटिया, ओम प्रकाश खंडेलवाल, संदीप बैसाणे, चेतन मंडोरे, महिला मोर्चा अध्यक्ष वैशाली शिरसाट, युवा मोर्चा अध्यक्ष आकाश परदेशी, गाव चलो अभियान जिल्हा संयोजक नरेश चौधरी, सहसंयोजक राजेश पवार, रावसाहेब नांद्रे, विक्रम थोरात आदीसह पदाधिकारी, लोकप्रतिनिधी व कार्यकर्ते मोठ्या संख्येने उपस्थित होते.
