छत्रपती संभाजी नगरातून चोरीस गेलेली बस आढळली धुळ्यात
धुळे : छत्रपती संभाजी नगर येथुन चोरी गेलेली बस स्थानिक गुन्हे शाखेने हस्तगत केली आहे.
चाळीसगाव रोड चौफुलीजवळील विठठल नगर येथे एक पांढर्‍या रंगाची एम.एच. २० डी.डी. ०१९५ क्रमांकाची संशयीत बस उभी असल्याची माहिती एलसीबीचे पीआय दत्तात्रय शिंदे यांना मिळाली होती. त्याच्या मार्गदर्शनाखाली पथकाने येथे जावुन संशयीत बस ताब्यात घेतली. बसची किंमत पाच लाख रूपये असून ही बस चोरीची असल्याची चौकशीत खात्री झाली असून या बसबाबत सिडको पोलीस ठाण्यात गुन्हा दाखल आहे.
ही बस जप्त करुन गुन्ह्याच्या पुढील तपाससाठी प्रभारी अधिकारी, छत्रपती संभाजी नगर यांच्या ताब्यात देण्यात येणार असल्याचे पीआय शिंदे यांनी सांगितले.
