धुळे शहरातून विद्यार्थी बेपत्ता, शोध सुरू
धुळे : शहरातील पारोळा रोडवर गल्ली क्रमांक सातमध्ये पोलीस चौकीसमोर राहणारा दिव्यांग सुनील शिंदे (वय 22) हा विद्यार्थी 15 सप्टेंबर रोजी सकाळी आठ वाजेपासून धुळे शहरातून बेपत्ता आहे.
याबाबत मुलाची आई कविता सुनील शिंदे यांनी 16 सप्टेंबर रोजी पोलीस स्टेशनला खबर दिली. धुळे शहर पोलीस स्टेशनचे सहायक पोलीस उपनिरीक्षक महेंद्र ईश्वर कापुरे शोध घेत आहेत. या मुलाबद्दल कुणाला माहिती मिळाल्यास 02562 288215 या दूरध्वनी क्रमांकावर संपर्क साधावा, असे आवाहन पोलिसांनी केले आहे.
बेपत्ता तरूणाचे वर्णन असे : रंग गोरा, उंची पाच फूट तीन इंच, कपाळ रुंद, अंगात निळ्या रंगाचा त्यावर तांबूस कलरच्या रेषा असलेला लांब बाहीचा शर्ट आणि निळ्या रंगाची जीन्स पॅन्ट परिधान केलेला आहे. मराठी, हिंदी आणि इंग्रजी भाषा बोलतो.
