Sports News पॉवर लिफ्टिंग स्पर्धेत प्रसिका जगदेवला रौप्य पदक

धुळे : वन लाईफ फिटनेस स्टुडिओ, नासिक यांच्यावतीने २५ फेब्रुवारी रोजी घेण्यात आलेल्या खुल्या पॉवर लिफ्टिंग स्पर्धेत प्रसिका सिद्धार्थ जगदेव हिने सब ज्युनियर गटात रौप्य पदक मिळविले. प्रसिका जगदेव पिंपळादेवी माध्यमिक विद्यालयाची विद्यार्थिनी असून धुळे येथील ‘द जिम’ येथे सराव करते. तिला ‘द जिम’चे सनी घई यांचे मार्गदर्शन लाभले.

प्रसिकाच्या यशाबद्दल धुळे शहराचे आमदार फारुख शाह, श्री. पिंपळादेवी संस्थेचे चेअरमन विनायक शिंदे, प्राचार्य आर. व्हि. पाटील, आर. एस. शिंदे, प्राथमिक शाळेचे मुख्याध्यापक विजय ठाकरे,  ‘द जिम’ चे फिटनेस ट्रेनर जुनैद अन्सारी, वैभव जगताप, नदीम कुरेशी, दिव्या थोरात, दुर्गेश पिसोळकर यांनी अभिनंदन केले आहे.