धुळे (Dhule): त्यागमूर्ती माता रमाई (ramai ambedkar) यांच्या 125 व्या जयंतीनिमित्त माता रमाई स्मारक समिती, धुळे यांच्या वतीने माता रमाई कला वैभव 2023 पुरस्कारांचे वितरण होणार आहे. प्रसिध्द अभिनेते, दिग्दर्शक नागराज मंजुळे (nagraj manjule) यांची प्रमुख उपस्थिती असेल. नागराज मंजुळे यांना माता रमाई कला वैभव पुरस्काराने सन्मानित केले जाणार आहे. विशेष म्हणजे लोकप्रिय गायीका कडुबाई खरात (kadubai kharat) यांचा भीमगितांचा कार्यक्रम आयोजित केला आहे. धुळे शहरात आग्रा रोडवरील केशव गार्डन येथे मंगळवारी सायंकाळी 7 वाजता कार्यक्रम होईल. माता रमाईंना अभिवादन करण्यासाठी उपस्थित रहावे, असे आवाहन माता रमाई स्मारक समितीचे अध्यक्ष दलितमिञ वाल्मिकअण्णा दामोदर (valmik anna damodar) यांनी केले आहे.
