That warrior lit the hearth in city त्या रणरागिणीने भर चौकात पेटवली चूल
#Dhule धुळेः केंद्र सरकारने स्वयंपाकाच्या गॅसची 50 रुपये दरवाढ केली आहे. वाढत्या महागाईमुळे सर्वसामान्य जनता आधीच होरपळली असताना गॅस सिलिंडरच्या दरवाढीमुळे असंतोष अधिक वाढला आहे.
दरम्यान, केंद्र सरकारच्या महागाईच्या धोरणाविरुध्द उध्दव ठाकरे गटाच्या युवा सेनेतर्फे धुळे शहरात महाराणा प्रताप चौकात शुक्रवारी जोरदार निदर्शने करुन निषेध नोंदविला. तसेच एका बाजुला गॅस सिलिंडर ठेऊन दुसर्या बाजुला चूल पेटवित धुळेकरांचे लक्ष वेधून घेतले. विशेष म्हणजे शिवसेना महिला आघाडिच्या संघटक जयश्री वानखेडे यांनी चक्क स्वयंपाकही केला.
यावेळी युवासेना जिल्हाप्रमुख हरीष माळी, उपजिल्हाप्रमुख कुणाल कानकाटे, महानगरप्रमुख सिद्धार्थ करनकाळ, अमित खंडेलवाल, योगेश मराठे, जीत पाटील, चेतन धामेचा, सिद्धेश नाशिककर, मनिष माळी, सोमेश कानकाटे, जयेश फुलपगारे, शुभम फुलपगारे, सुमित चौधरी, तुषार सातपुते, उज्ज्वल कोठावदे, सुजय गुळवे, प्रितम लोखंडे, बंटी पाटील, किशोर साळुंखे, महेश वाघ, स्वप्निल चित्ते, अमीन शेख, मयूर माळी, समर्थ मुर्तडक, दादू मराठे, समीर वाघ, निशांत फुलपगारे आदी शिवसेना युवासेना पदाधिकारी व युवासैनिक उपस्थित होते.
